Қазақстан Республикасының Ауыл шаруашылығы вице-министрі Аманғали Бердалин бастаған қазақстандық делегация Аргентинаға жұмыс сапарымен барды.

Сапардың басты мақсаты — екі ел арасындағы етті мал шаруашылығы саласындағы стратегиялық әріптестікті дамыту. Келіссөздердің негізгі бағыттары:

• Ангус тұқымды ірі қара малын өсіру бойынша озық тәжірибе алмасу;
• генетика және эмбрионалдық технологияларды бірлесіп дамыту;
• тірі мал экспортын жүзеге асырудың тұрақты арналарын қалыптастыру.

Сапар аясында делегация Аргентинаның үлгілі шаруашылықтарының бірі саналатын Сан-Мигель-дель-Монте қаласындағы La Pastoriza фермасына барды.

Қонақтарды Argentine Angus Association вице-президенті Фабиан Отеро мен асыл тұқым кітабының менеджері Гильермо Перес жылы қарсы алды.

Іссапардың мазмұнды күні Каньуэлас қаласындағы Ассоциация базасында ұйымдастырылған ресми түскі аспен қорытындыланды. Қазақстандық делегацияға Аргентинаның жоғары сапа стандарты саналатын сертификатталған Angus еті ұсынылды.

Мұндай сапарлар:

• Қазақстандағы ІҚМ-ның генетикалық әлеуетін арттыруға;
• саланың өнімділігін көтеруге;
• отандық ет экспортының мүмкіндіктерін кеңейтуге жол ашады.

Мықты серіктестік — саланың тұрақты дамуының негізі.

#Қазақстан #Аргентина #МалШаруашылығы #Angus #Экспорт Генетика АӨК